Obu Apugan nako oUganda ongaa isomeroi akaulo adaun apak na ewoja egolol kanuka Covid-19.

Otupitete eripota lo etolomut erionget lo eyait akiro nu ainapinap akiro nu apol araibo National Planning Authority, obu abwangun na ekorona ageun olap lo iuniet okaru 2020 idupo iduwe lu edeparitos imilionin 15 ebongorete oreria, ibore obu oridak ejautene lo imwalimun.

Egolokini isomeroi, opotu auriak opalasi aitac ikapun ido opotu ikapun omameutu osomeroi, ibore yen obu ijaik ikulepek aitidisiar ikapun lu atacete imwalimun, ido icie opotu opalasi aitac da.

Karaida obu apugan inyikokite aitac imwalimun lu esisianakinete osomeroi lu apugan eropit, mam obu opedo aingarakin ngun lu lem esisianakinete osomeroi luko private.