Erai aparasia 18 olap okwang 2020, obu President Museveni olimo agolokino na akwap kanu aitam aitikitik ariobo naka Covid-19. Agolokino na ngesi obu idupo isomeroi anatar Uganda keere egolokinos kosode iduwe lu adeparitos imilionin 15 abongor ore.

Akaulo na nepetai ikaru iyarei, erai aparasia 31 olap Opoo, obu bobo ePresident olimo ainapeta nu angaikin akwap, aimoriarit angaikin isomeroi abongokin aswam erai atomon olap Orara, okaru kalo.

Konye ejaa ngun da, obu erionget lo epolokitere ainapeta nu akwap wok kojena kwape the National Planning Authority olimo ebe karaida engaikini isomeroi, nepetai iduwe lu edolete 30% kesi adit amuno abongor asioman naarai amameotor auriak kec ikapun lu inyakaret kesi osomero.