Obu ariebo naka Covid-19 obilak akwapin nu ipu toma akanin kec kosodi abuikin nu ipu agolonokin. Uganda ngesi adiopet kotoma akwapisinei nu opotu olingakisi agolokin kanu aitam aitikitik ariebo na erai elap okwang okaru 2020. Opotu ainapeta nu obuikisi iduwe lu edolitos imilionin 15 abongor ore narai oponi ogolokinai isomeroi, ibore yen obu oyuwa iduwe kotoma atwakare kanuka Covid-19.

Karaida ejaasi ngun, obu erionget lo eyait akiro nu ainapeta nu apol kotoma akwap wok, araibo the National Planning Authority itolomu aingic na etodut ebe, obu agolokino na isomeroi idupo iduwe lu edolitos 51% apalar asioman, idol u epu kaksi odolitos 60% kesi araasi lu asiomete adoketait naka Primary.

Iyatakit bobo eripoti lo aibeliar ebe, 30% kotoma oduwe kangun kesi mam bobo epedorete abongor osomero cut narai opotu opotununutu, alinganar edukone kede aitwasamao na iduwe.